Toyota АКПП радиаторының желдеткіш адаптері

Баптау

Адаптер GoSwap қолданбасында телефоннан USB Type-C кабелі арқылы бапталады. Бәрі бір «Баптаулар» экранында: жоғарыда — адаптердің дәл қазір көретінін көрсететін плиткалар, төменде — баптаулар. Өзгерістер адаптерге экранның төменгі жағындағы «ҚОЛДАНУ» батырмасымен жіберіледі — ондағы сан қанша баптау өзгергенін көрсетеді. Жаңа мән бірден әрекет етеді, адаптерді қайта қосудың қажеті жоқ.

1. 1

   Телефонды қосыңыз.

   GoSwap қолданбасын орнатыңыз — қолданба беті (goswap.kz/kz/cfg/). Зажиганиені қосыңыз, телефон мен адаптерді USB Type-C кабелімен жалғаңыз — тек зарядтауға емес, деректер беретін кабельмен, — қолданбада «USB арқылы» таңдап, «Қосылу» батырмасын басыңыз.

   
2. 2

   Датчик — «АКПП температура датчигі».

   Беріліс қорабыңыздың датчигін таңдаңыз — көрсеткіштерді градусқа айналдыру соған байланысты. «TOYOTA 2005+» — A750, A760 және AB60 беріліс қораптары: Land Cruiser 200, Prado 150, АКПП 6AT бар 3UZ, 2GR, 3GR және 4GR қозғалтқыштары; адаптер зауыттан осылай келеді. «3UZ 5AT» — тек АКПП 5AT бар 3UZ (A650 беріліс қорабы); АКПП 6AT бар 3UZ үшін — «TOYOTA 2005+». Содан кейін «ҚОЛДАНУ».

   ЭБУ-ы 2005 жылғы және одан жаңа басқа Toyota көлігіне де «TOYOTA 2005+», бәлкім, сәйкес келеді — орнатқаннан кейін температураны міндетті түрде сканермен салыстырыңыз (4-қадам (парақтар 5–8)).

   «Температура көзі» баптауын «ADC1» күйінде қалдырыңыз — датчик ATF [24] контактісінде, адаптер зауыттан осылай келеді. «ADC2» — датчик сымы 23-ұяға (ATF2 [23]) ауыстырылған болса ғана: Сұрақтар мен шешімдер (парақтар 9–10).

   

Баптау

1. 3

   Шектер — «Желдеткіш шектері».

   «Қосылу» — май осы температураға дейін қызды, желдеткіш қосылды; «Өшу» — осы температураға дейін суыды, желдеткіш өшті. Зауыттан — 100 және 95 °C: желдеткіш 100 °C-та қосылып, май 95 °C-қа дейін суығанша жұмыс істейді.

   Шектер арасындағы аралық желдеткіш бір температурада қайта-қайта қосылып-өшпеуі үшін керек. Қолайлы аралық — 3–10 °C: үлкенірек болса — желдеткіш сирек қосылады, бірақ май көбірек қызып үлгереді; кішірек болса — жиірек қосылады, ал температура тегіс ұсталады. «Өшу» мәні әрқашан «Қосылу» мәнінен кемінде 1 °C төмен — әйтпесе қолданба мүмкіндік бермейді. Диапазондар: қосылу 60–130 °C, өшу 59–129 °C. Содан кейін «ҚОЛДАНУ».

   

Баптау

1. 4

   Калибрлеу — «Датчикті калибрлеу», сканер бойынша.

   Адаптер штаттық датчикке калибрленген күйде келеді, әдетте түзету қажет емес. Ол «Май темп.» плиткасы сканерден алшақтаса керек болады. Эталон — ЭБУ-дың өзі: ЭБУ сканерге беретін АКПП майының температурасымен салыстырыңыз. Адаптердің GND [1] массасы — ЭБУ-дың E1 контактісінде: басқа масса арқылы көрсеткіштер алшақтайды, ал мұны түзетумен жою қиын.

   • Көлікті майдың жұмыс температурасына дейін қыздырыңыз — шамамен 80–100 °C.
   • Сканерді қосып, АКПП майының температурасын ашыңыз; қолданбада — экранның жоғарғы жағындағы «Май темп.» плиткасы.
   • Екі сан да өзгеруін тоқтатқанша күтіңіз: ЭБУ май температурасын қатты орташалайды және оны кешігіп қуып жетеді — жүре салып салыстырсаңыз, түзету қате шығады.
   • Айырманы «Датчикті калибрлеу» баптауына енгізіңіз: адаптер сканерден аз көрсетсе — плюс, көп көрсетсе — минус (сканер 100 °C, адаптер 97 °C — «+3»). «ҚОЛДАНУ» басыңыз — плитка сканермен сәйкес келуі керек.

   

Баптау

1. 5

   Тексеріңіз — экранның жоғарғы жағындағы плиткалар.

   «Баптаулар» экранының жоғарғы жағындағы плиткалар адаптердің дәл қазір не көретінін және не істейтінін көрсетеді:

   • «Май темп.» — ATF [24] штаттық датчигінен алынған АКПП майының температурасы, калибрлеу ескерілген. «дерек жоқ» — адаптер датчикті көрмейді. Зажиганиесіз датчикпен байланыс жоқ — алдымен зажиганиені қосыңыз; зажигание қосулы кезде «дерек жоқ» болса — ATF [24] сымы жетпеген, үзілген немесе массаға тұйықталған, бұл кезде желдеткіш үнемі жұмыс істейді — Сұрақтар мен шешімдер (парақтар 9–10).
   • «Борттық желі» — адаптердің өзіндегі кернеу, қалыпты мәні 12–15 V. Массаға да байланысты: АКБ-дағыдан төмен болса — GND [1] массасы мен +IGN [13] қорегін тексеріңіз.
   • «Желдеткіш» — адаптер RELAY [7] шығысындағы релені қосқанда шеңберде құсбелгі пайда болады; RELAY 2 [8] онымен бірге қосылады.
   • «Мәжбүрлі қосу» — FORCE [17] сымы массаға тұйықталып тұрғанда шеңберде құсбелгі пайда болады: бұл кезде желдеткіш кез келген температурада жұмыс істейді. Түймені тексеру: басыңыз — құсбелгі екі плиткада да пайда болады.